Jamita Minggu, 3 Januari 2013 (HKBP Serpong)

Jeremia 1:4-10

Huria ni Tuhanta! Disi tajaha turpuk jamita on pintor ro do tu rohanta, paboa sian mula ni mulana nunga dipauli jala dipillit Debata si Jeremia gabe panurirang, gabe ulaulaNa mamboan hadengganon tu tongatonga ni bangsoNa. Ido tona parjolo na taida sian turpuk on.

Antong dia ma na gabe tona ni jamita on tu hita?

Parjolo, na pinauli ni Debata do hita.

Huria ni Tuhanta, ndang boi juaonta ia hita ima na tinopa ni Debata. Ndang parbue ni proses evolusi hita, ndang songon pangantusion na jolo i hita madabu sian ginjang, mapultak sian bulu. Debata do manopa hita, Tanganna do paulihon hita. Dohot hata na asing dohononta, ia hita ima a masterpiece of God, Mahakarya Allah. Ia hita ima ulaula ni Debata na mansai uli. Boasa uli, ala mansai uli do Debatanta.

Parpsalmen pe hea do manghatindanghon paboa hita na tinompa ni Debata: 139:13-14, “Ai Ho do na manompa angka piangku, ditonun Ho do ahu di bagasan bortian ni dainang. Mandok mauliate ma ahu tu Ho ala ni surung ni pambahenmu di ahu, na sumurung do angka jadijadianmu, jala tangkas situtu do i ditanda rohangku.

Sumurung do hita sian angka na tinompa na asing. Jala mansai uli do rupanta ditompa Debata. Ala sagombar do hita dohot rupa ni Debata. Molo hea pe tubu di rohanta manghilala naso pola uli rupanta, naso pola malo hita, naso pola adong na arga di dirinta. Alai taingot ma mansai uli do hita di jolo ni Tuhanta. Ra olo do tubu di roha ni deba mangkilala na so marnampuna ibana, na pogos ni paradongan, ndang sangap dihilala ibana. Alai taingot ma di adopan ni Debata mansai uli do hita. Ra hea do tahilala menek rohanta ala pis mata ni halak mida hita, neang rohana, bahkan ndang dipardulihon keluarga hita. Alai taingot ma tongtong hata on, sian mula ni mulana nunga ditompa Debata hita mansai arga jala mansai uli.

Hamu angka dongan, dia pe didok halak tu hita, boha pe penilaianta tu dirinta sandiri, alai di mata Debata kita adalah buatan tanganNya, bagi Allah kita adalah masterpieceNya. Allah na tinompa ni Debata do, alani i holong do roha ni Debata tu hita, diramoti do hita, jagaonna do ngolunta, bahkan ditempatkanNya pada tempat yang mulia. Sehingga kita akan terus tampak indah.

Paduahon: Dipauli jala ditompa do hita dibagasan Kristus.

Hamu angka dongan ganup jolma ditompa holan sahali. Alai sumurung angka na porsea ditompa dua hali. Ganup angka na porsea di Kristus angka i do naung tinompa paduahalion. Panompaon na parjolo ima na taida di barita panompaon na di padan na robi. Panompaon na paduahalion ima uju gabe porsea hita tu Kristus Jesus. Ndada ala na hurang singkop panompaon na parjolo i. Alai ala nunga sega dibaen jolma i tompaan na parjolo i, hinorhon ni naso unduk jolmai gabe madabu ma tu dosa laos disi ma gabe sega tompaan na parjolo i. Nunga disegai dosa i ma nasa na denggan di dirinta. Sesungguhnya kita tidak berguna lagi, seharusnya kita dibuang ke dalam api pembakaran. Namun, karena Allah kaya dalam rahmat, oleh karena kasihNya yg besar, yg dilimpahkanNya kepada kita, sehingga kita dihidupkan kembali. On ma panompaon na paduahalion i. Di Efesus 2;10 “Ai jadijadianna do hita, angka na tinompa di bagasan Kristus Jesus. Di panompaon na paduahon on mansai balga do pengorbanan ni Tuhanta. Pola do hosa ni anakNa Tuhan Jesus disumeahon asa mangolu muse hita. Di 2 Kort 5:17 didok: Asa molo di bagasan Kristus halak, na tinompa na imbaru ma i. Nunga salpu pangalaho na robi, gabe na imbaru.

Hamu angka dongan, mansai arga do hita dipanompaon ni Debata na paduahon di hita. Marhite mudar ni anakNa do hita ditompa. Antong, taargahon ma pengorbanan ni Tuhanta, taargahon ma ngolunta asa holan patupahon angka na denggan, na uli na manghorhon las ni roha di Debata.

Na patoluhon: Ditotophon do hita laho mangulahon nasa ulaon na denggan, hombar tu lomo ni rohaNa.

Huria ni Tuhanta, hea do tasungkunhon dirinta tu aha do Debata manompa hita, tu aha do Debata paluahon hita? Ra adong do na mangalusi: Asa gabe anakhonna hita, jala gabe panean di harajaonNa. Alus na denggan do i. Ra adong do na mangalusi: asa malua hita sian naroko mamongoti surgo hasonangan. Ipe alus na uli do i. Alai, ndada holan i. Ditompa Debata hita, dipauli Debata hita, jala dipillit Debata hita, sasintongna asa pangkeonna do hita mangulahon nasa ulaon na denggan, pasauthon lomo ni rohan, jala olo ditongos manang tudia lomo ni rohana.

Tu aha do Debata manompa Jeremia, aha do sangkapna Debata  pauliohon ibana uju dibagasan bortian, uju so tubu dope tu hasiangan on. Alusna, asa pangkeon ni Debata ibana mangulahon, pasauthon lomo ni roha ni Debata, ndang adong na asing. Nunga dipillit Debata hita gabe anakhonna di bagasan Kristus Jesus. Aha do sangkap ni Debata tu hita? Naeng pangkeonna hita gabe ulaulana marhobas, paulihon, pasauthon ulaon ni Debata, lomo ni rohana di portibi on marhite ngolunta siganup ari. Dipillit hita, dipauli hita huhut do dibohali dohot gogo, hatauon, sahala, pangaramotion sahat tu na paluahon tondinta sian hamatean saleleng ni lelengna. Ndada asal na dipillit debata si jeremia ala didok Debata do tu ibana: Huparbadiai ho, hudangani ho, paluangonhu ho, hupasahat hatangku tu pamanganmu.

Hamu angka dongan, mansai singkop bohal na pinasahat ni Debata tu si Jeremia. Laos songoni do bohal naung tajalo dibagasan Kristus. Marpadan do Kristus tu angka na porsea: Sai ramotanhu do ho sahat ro di ajal ni hasiangan on. Toho jolma na gale do si Jeremia, jolma na terbatas do ibana, jolma na gale do hita, tarbatas do gogonta. Alai, didok debata tu si Jeremia, unang dok na bajar dope ahu, unang dok mabiar ahu, manang tudia ho husuru ingkon borhat jala ulahon. Laos hata on do nang tu hita amang inang. Dibagasan Kristus do gabe tubu hagogoon di hita, dibagasan Kristus do gabe marsahala hita, dibagasan Kristus do gabe margogo hata nang pambahenanta, jala dibagasan na pos roha tu Kristus disi di gabe tubu habaranion di hita mangulahon na denggan, mandok na sintong jala manulak nasa na jat.

Ingkon dohononta do ala dibagasan Kristus do hita umbahen na tarbahen hita paulihon bagas jorona di serpong. Ala ni Kristus do gabe diloas hita pajongjonghon bagas jorona. Molo diloas do hita, jala dihirim Debata dope sian hita, alani i naeng ma nasa gogonta, rohanta, nang ateatenta patulushon bagasjoro ni Tuhanta. Porsea ma hita amang inang, ndang hurangan hita di na tatumpahi ulaon ni Tuhanta, ndang tarhirim hita molo ias rohanta mangalehon na adong di hita, baliksa pasupasuon ni Debata angka halak na girgir pangkeon ni debata gabe ulaulana patulushon angka ulaon lomo ni rohana.

Amang inang, Iman saya pribadi mengatakan: jauh sebelumnya Tuhan sudah merancang dan mempersiapkan kita jemaatNya untuk membangun gerejaNya di saat ini. Kita harus imani amang, inang bahwa semua kita jemaat HKBP Serpong dari ekonomi kecil menengah dan atas, anak-anak, muda dan tua sedang berada dalam perencanaan Allah untuk sebuah proyek Allah mendirikan sebuah gereja. Karena itu kita semua adalah bagian dari rencana Allah untuk turut serta membangun gerejaNya. Percayalah amang-inang kita tidak akan kekurangan untuk sebuah pekerjaan Tuhan ini. Betapa sedihnya kita, bila Tuhan tidak ikut sertakan kita dalam proyekNya ini. Percayalah, Tuhan akan memimpin kita, membantu kita bahkan kita akan merasa bahagia dan bersukacita dan itu akan kita alami sampai anak cucu kita nanti. Amin!

IMG-20121108-00028

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s