Si Dungo ma hita!

Sipahusorhusoron
1 Korintus 16:13

Dungo ma hamu, marsihohot marhaporseaon, tang ma hamu jala margogo! Di bagasan haholongon ma tulus sasudena di hamu!

Dungo, lapatanna ndang tarpodom, ndang tarpedem. Alai, boi do lapatanna, unang so mulaulaon, ndang holan na maranganangan, ndang holan martukolisa, ndang holan na hundulhundul, ndang sigurbak ulu. Antar hira songon i ma na nidok na halak na so dungo.

Boasa ingkon dungo? Asa binoto na masa. Asa unang lalap. Asa unang tartinggal di hamajuon dohot diparbinotoan. Asa unang ditadingkon dongan; asa unang tartading sian angka dongan. Molo ndang dungo, boi do gabe luangan, ndang dapot manang aha. Ujung na sai hurangan. Molo humurang do hita sian angka dongan, gabe dipaotooto do hita, gabe lea rohana maradophon hita. Hansit jala mandate do hinorhon ni na so dungo.

Molo dungo hita dihaporseaonta, boi ma botoonta dia na sintong dohot na so sintong. Boi ma adopanta angka na masa. Ndang leaan ni si bolis be hita. Ndang parmeammeamon ni si bolis be hita, ala memang lam tamba do haporseaonta ala dungo hita, ala sai torus taeahi lomo ni roha ni  Debata, ala sai sihol rohanta di Debata. Molo ido dapot di ngolunta, gabe targoar ma hita si dungo di haporseaon! Amen!

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s